မိုးကြိုကာလ ဖြစ်သော ဧပြီလ ၁၅ ရက်မှ မေလကုန်အထိ ဘင်္ဂလား ပင်လယ်အော် တောင်ပိုင်းတွင် မုန်တိုင်းငယ် တစ်လုံး ဖြစ်နိုင်ဖွယ်ရှိပြီး မြန်မာနိုင်ငံသို့ ဝင်ရောက်နိုင်ဖွယ် မရှိကြောင်း မိုးလေဝသနှင့် ဇလဗေဒပညာရှင် ဦးထွန်းလွင်က သုံးသပ်သည်။
ဧပြီလ ၂၀ နှင့် ၂၁ ရက်နေ့ များတွင် မိုးတိမ်ဖြစ်ထွန်းခြင်း မရှိပါက နေ့အပူချိန်များ မြင့်တက်နိုင်ပြီး ၊ ရန်ကုန်မြို့တော် ၌ အပူချိန်မှာ ၄၀ ဒီဂရီစင်တီဂရိတ် ၊ မြန်မာနိုင်ငံအလယ်ပိုင်းတွင် ၄၃ ဒီဂရီစင်တီဂရိတ် ဝန်းကျင်မှ ၄၅ ဒီဂရီစင်တီဂရိတ် အထိ မြင့်တက်လာဖွယ် ရှိကြောင်း မိုးလေဝသနှင့် ဇလဗေဒပညာရှင် ဦးထွန်းလွင်က ထပ်မံပြောကြားသည်။
မြန်မာနိုင်ငံအတွင်းဧပြီလ ၂၁ ရက် ၊ ၂၂ ရက် နှင့် ၂၇ ရက် ၊ ၂၈ ရက်များတွင် မြန်မာနိုင်ငံ အလယ်ပိုင်း မကွေးတိုင်းဒေသကြီး ၊ မန္တလေးတိုင်းဒေသကြီး၊ ပဲခူးတိုင်း ဒေသကြီးများတွင် အပူချိန်ထပ်မံမြင့်တက် နိုင်ဖွယ်ရှိကြောင်း မိုးလေဝသနှင့် ဇလဗေဒ ညွှန်ကြားရေးမှူး ဦးစီးဌာန ဒုတိယညွှန်ကြားရေးမှူး ဦးချစ်ကျော်က သုံးသပ်ပြောကြားသည်။
ဧပြီလ ၁၇ ရက်နေ့ မကွေးတိုင်း ဒေသကြီး ၊ ချောက်မြို့နယ်၌ ဖြစ်ပေါ်ခဲ့သော အမြင့်ဆုံး အပူချိန်မှာ (၄၆ ဒသမ ၁) ဒီဂရီစင်တီဂရိတ်(၁၁၅ ဒသမ ၀) ဒီဂရီဖာရင်ဟိုက် ထိဖြစ်ခဲ့ပြီး လွန်ခဲ့သော ၂၈ နှစ်တာအတွင်း ယင်းမြို့၏ဧပြီလ အတွက် အမြင့်ဆုံး အပူချိန် စံချိန်သစ်ဖြစ်ပေါ်ခဲ့ကြောင်း ပို့ဆောင်ရေးဝန်ကြီးဌာန ၊ မိုးလေဝသ နှင့် ဇလဗေဒညွှန်ကြားမှု ဦးစီးဌာန(နေပြည်တော်)၏ထုတ်ပြန်ချက်များအရ သိရသည်။
နေရောင်ခြည် အပူချိန် မြင့်တက်လျက် ရှိသော မြန်မာနိုင်ငံရှိ ဒေသအချို့၌ ခရမ်းလွန်ရောင်ခြည် ဖြာထွက်မှု Solar UV Index တန်ဖိုးမှာ မြန်မာနိုင်ငံရှိ ဒေသအချို့ က ဥရောပနိုင်ငံများနှင့် သမပိုင်းဇုံ ဒေသနိုင်ငံများထက် အပူချိန် မြင့်တက်လျက် ရှိကြောင်း မိုးလေဝသ ပညာရှင် ဦးထွန်းလွင်က ပြောကြားသည်။
ဥရောပ နိုင်ငံများ အပါအဝင် ကမ္ဘာ့ သမပိုင်းဒေသ နိုင်ငံများတွင် UV Index တန်ဖိုးမှာ ၈ ကို ကျော်လွန်လေ့ မရှိသော်လည်း၊ မြန်မာနိုင်ငံတွင် မြောက်ပိုင်းဒေသမှလွဲပြီး ကျန်ဒေသ အများ အပြားတွင် UV Index အမြင့်ဆုံး တန်ဖိုး ၉ - ၁၀ ကြားတွင် ရှိကြောင်း မိုးလေဝသ ပညာရှင် ဦးထွန်းလွင်က ပြောကြားသည်။
0 comments:
Post a Comment