"Kobel Chin State thunei kumpi tawh thukim na ka bawl hun un, Tedim, Thantlang, Paletwa gamhuam sung khua uk Khawk mun 2 ta ah phualsat dingthukimna, om ahih nazui in tua hongmunpiakna ah aphual tuan ding a, apai ka hi uhhi" ci hi.
Kawlkumpi tawh kum 23 vilvel ado CNF te in 2012 January 6 ni-in kilemnabawl in, khut pimekna kakuih sa uh hi in, Tedim, Thantlang, Paletwa ah Phualsat in kizopna zum honding kathukimsa uh ahihi.
CNF/A galkap te pen Zogam sak maalkuallam, Zogam laihawlhuam leh Zogam simhlam ah khen thum in khen in India-Kawlgamgi dungsuk teng ah agamtangte kahi uhhi. Tuban ah January 18-21 hunsung CNA/F galkap gamkuan' makai kawmpi ka nei uh a, galkap athuangthuang khenpi 1, 2, 3 in ka kiphuah pha uh hi.
"Ko pen munthum ah thakhat thu in phualsat ding ka hih uhhang in kikawmna hamsatna, neklehdawn ding leh Vankisam puak ding hamsa phot ahih man in, anaina penpen mun tel in phualsat ding akipankhia kahi uh hi." ci'n vaipuak thunei khat in gen khia hi.
CNA phual pen Paletwa khuapi huam ah mun 3 hi a, Kungpyinkhua khawk uk, Patheitatlang khua khawk uk, Parakhua khawk uk, Thantlang gamsung ah mun 3, Tatlangpui khua khawkuk, Dawrn khua khawk uk, Zangtatlang khua khawk uk leh Tedim gam ah mun 2 hi a, Zampi khua leh Bukphil khua te ahihi.
Thantlang le Paletwa ah CNA galkap phualsat ding in nialna om kei ta se leh Tedim khuapi huam khuanu khuapa te'n nial na om ahihi.
Zampi & Bukphil khua mite in CNA te mun piakloh ding zongthupi thei kha ding ahi maw! Kawlgal kap hak sa cih beh lap ih khua ah kua kumpi guai an piakloh khasum piak loh, hongkiphual ding ahih teh tangthakuan om kha ding ahihi. Kawlkumpi tawh kilem na bawl cih hang in among dong tungto nailo ban ah, banghun dong kilemna hiding, atawntung ding maw? Kumbangzah dong cih ani kiciangtan om ahih teh Kawlmangthu akpi in phiat nelh leh zingciang gal atungtheithu ahihi. ZomiDaily/HauThang
0 comments:
Post a Comment