Microsoft Company te'n Windows Version thakkhat abawlsan laitak uh hi a, tua ongbawlkhiatding Version pen "Windows 8" kiciding hi. Hih Windows 8 pen tukhabeikuan ciangin mipi zattheih, sintheihding in kikoihkhia tading hi ci'n Microsoft te'n Wednesday ni-in tangko khiata uhhi.
Sintheih, veltheihding cihciangbek hipan a, "Windows Consumer Preview" pen February 29 ni-in Barcelona microsoftkhuapi aom Hotel khatah kibawlding cihi. US Technology Titan pikhat ahi Microsoft Company te'n banghang in Spain gam, Barcelona khuapi ah "Windows Consumer Preview" bawlsese uhhiam cihleh tuakhua mahah tuahunsung in "Mobile World Congress" om ahih manin, tuatawh akituak in tuakhuapi ah abawlding uh ahihi.
Microsoft te'n tuani atunma in Information akicingzaw in ong hawmkhialaiding uh cihzong tangkokhia uhhi.
Microsoft te'n mipi tawh Windows 8 ong Intro kawm un, "App Store" zong ong pulak khiatading un ki lamen hi. "App Store" pen Microsoft Operation System ah akizangtheiding mini-programs tuamtuamte kaihkhoptuah nadingkhat ahihi. Apple Company te'n iPhone, iPad cihte ah zattheihding Program tuamtuamte amau App Store bekpan aki ngahsak mahbang un, Microsoft Company te'nzong Windows 8 ah zattheihding Program tuamtuamte App Store atuamin koihin hawmkhiading cih kiza hi. Microsoft leh Apple Company tepan mipil misiamteng ongki demdem leuh ei mipi te'n alaizang ah ki hamphatlawh khatheiding hi. ZomiDaily
Social Profiles
0 comments:
Post a Comment