၎င်းတို့၏ ဧပြီလ ၆ ရက်နေ့ သဘောတူညီချက် ၅ ချက်တွင် ပါဝင်သည့် ပလက်ဝမြို့နယ်မှာ ALP ဆက်ဆံရေးရုံးထားရှိရေး သဘောတူညီချက်သည် ဖွဲ့စည်းပုံအခြေခံဥပဒေကို ဆန့်ကျင်ချိုး ဖောက်ခြင်း ဖြစ် သည်ဟု ချင်းအမျိုးသားပါတီ (CNP) နှင့် ချင်းတိုးတက်ရေးပါတီ (CPP) တို့က ကန့်ကွက်စာပို့ လိုက် ကြခြင်းဖြစ်သည်။
မိတ္တူကို လွှတ်တော်နှစ်ရပ်စလုံး၏ ဥက္ကဌ၊ ရခိုင်ပြည်နယ် ၀န်ကြီးချုပ်၊ ရခိုင်ပြည်နယ် လွှတ်တော်ဥက္ကဌ၊ ချင်းပြည်နယ် ၀န်ကြီးချုပ်၊ ချင်းပြည်နယ်လွှတ်တော်ဥက္ကဌ နှင့် နိုင်ငံတော်ဖွဲ့စည်းပုံအခြေခံဥပဒေ ခုံရုံး ဥက္ကဌ တို့ကိုလည်း ပေးပို့ထား ကြောင်းသိရသည်။
ချင်းတိုးတက်ရေးပါတီမှ အထွေထွေအတွင်းရေးမှူး(၂) ဦးရှိန်းထွန်းက “ ချင်းအမျိုးသားပါတီ(CNP) နဲ့ ချင်းတိုး တက်ရေးပါတီ(CPP) တို့အနေနဲ့ ရခိုင်ပြည်နယ်အစိုးရရဲ့ ပြည်နယ် အဆင့်သဘောတူ လက်မှတ်ရေး ထိုးထားတဲ့ ချင်းပြည်နယ် ပလက်ဝမြို့မှာ ရခိုင်ပြည်နယ်လွတ်မြောက်ရေးပါတီ ALP ဆက်ဆံရေးရုံး ထားရှိမယ့်အစီအစဉ်ဟာ အခြေခံ ဥပဒေနဲ့ ညီညွတ်မှုမရှိခြင်း၊ ချင်း နဲ့ ရခိုင်လူမျိုးတို့ အကြား မလိုလားအပ်တဲ့ နားလည်မှု၊ ယုံကြည်မှုလွဲမှားစေနိုင်တဲ့ လုပ်ရပ်ဖြစ်ခြင်း တို့ ကြောင့် အလေး အနက်ကန့်ကွက်ပါတယ်’’ ဟု ခိုနူမ်းထုန်သတင်းဌာနကို ပြောသည်။
ဆက်လက်ပြီး ALP အနေဖြင့် ချင်းပြည်နယ်အတွင်း ဆက်ဆံရေးရုံးမထားဘဲ ရခိုင်ပြည်နယ် တနေ ရာရာမှာ ထားရှိသင့် ကြောင်း ဦးရှိန်းထွန်းကပြောသည်။
“ ALP အနေနဲ့ ရခိုင်ပြည်နယ်ထဲမှာရှိတဲ့ စစ်တွေ၊ သန်ထောင် လိုမျိုး တနေရာရာ ရခိုင်ပြည်နယ် ထဲမှာ ဖွင့် သင့်တာပေါ့၊ အခုက နယ်ကိုကျော်ပြီး ဖွင့်တာဖြစ်နေတယ်၊ ဖွဲ့စည်းပုံအခြေခံဥပဒေနဲ့ သွေဖယ် ဆန့် ကျင်နေတဲ့သဘောမှာရှိတယ် ၊ မလုပ် သင့်မလုပ်အပ်တဲ့အရာပါ’’ ဟု ဦးရှိန်းထွန်းကပြောသည်။
ချင်းပြည်နယ် တောင်ပိုင်း ပလက်ဝမြို့နယ်သည် ရခိုင်ပြည်နယ် နှင့် နယ်နိမိတ်ချင်းထိစပ်နေ ပြီး ချင်းမျိူးနွယ်စု မြို(ခေါ်) ခူမီး၊ ဒိုင် လူမျိုးများ အများစုနေထိုင်ကြသည်။ ထို့အပြင် ပလက်ဝမြို့နယ်သည် အိန္ဒိယ -မြန်မာ နှစ်နိုင်ငံကနေ အကောင်အ ထည်ဖော်နေသော ကုလားတန်ဘက်စုံဖွံ့ဖြိုးရေးစီမံကိန်း၏ အချက်အခြာ ကျရာဒေသတခု လည်းဖြစ်သည်။
ယခုကိစ္စနှင့်ပါတ်သက်ပြီး ရခိုင်ပြည်လွတ်မြောက်ရေးပါတီမှ ငြိမ်းချမ်းရေး ခေါင်းဆောင် ဦးခိုင်စိုးနိုင်အောင်က ယာယီ ရုံးထိုင်လိမ့်မည်ဟု ပြောသည်။
ပြည်တွင်းပြည်ပရှိ ခူမီးချင်းတိုင်းရင်းသားများကလည်း အင်တာနက်အွန်လိုင်းမှတဆင့် အချိပ်အဆက် များလုပ်ဆောင်ပြီး ဒေသခံလူထုတွေထံ လက်မှတ်ကောက်ခံပြီး နိုင်ငံတော်သမ္မတဦးသိန်းစိန်ထံ ကန့်ကွက် စာပို့ရန် စီစဉ်နေကြောင်း အိန္ဒိယ-မြန်မာနယ်စပ်တွင်နေထိုင်သူ ခူမီးတိုင်းရင်းသား ကိုလှထွန်းက ခိုနူမ်းထုန် ကိုပြောသည်။
“ ပလက်ဝ ဆိုတာ ကျနော်တို့ ခူမီးနယ်ပေါ့ကွာ၊ သူတို့ရုံးစိုက်ချင်တယ်ဆိုရင် ရခိုင်ပြည်နယ်မှာ သွားစိုက်သင့် တာပေါ့၊ ကျနော်တို့ ခူ မီးနယ်မှာ ရုံးစိုက်တာမျိုး မဖြစ်သင့်ဘူး၊ အခုကျနော်တို့ ကန့်ကွက် မယ့်စာတွေပေါ့နော်၊ ကန့်ကွက် မယ့်ဟာတွေကို ကျနော်တို့လုပ်နေတယ်လေ၊ အခုလောလောဆယ် တော့ ပြည်သူလူထုနဲ့ ပူးပေါင်းပြီးတော့ ဘယ်လိုလုပ် ဆောင်ကြမလဲဆို တဲ့ဟာကို Group Mail မှာ ဆက်သွယ်နေကြတုန်းဘဲ’’ ဟုသူကပြောသည်။
ပလက်ဝမြို့နယ်သည် ချင်းပြည်နယ်အစိုးရ နှင့် ချင်းအမျိုးသားတပ်ဦး ( CNF) တို့အကြား ပြည်နယ် အဆင့် သဘောတူညီ ချက်အရ ချင်းအမျိုးသားတပ်မတော်တပ်စခန်းချမည့် ဒေသဖြစ်နေသော်လည်း ချင်းအမျိူးသား တပ်ဦးမှ ALP ရုံးထား မည့်ကိစ္စနှင့်ပတ်သက်၍ တစုံတရာထုတ်ဖော်ပြောဆိုခြင်း မရှိသေးကြောင်းသိရသည်။
Ref: KNG
0 comments:
Post a Comment