ဆောက်လုပ်ရေးဝန်ကြီးဌာန အဆင့်မြင့် အရာရှိတစ်ဦးက “နှုတ်ကတိအနေနဲ့တော့ ဒါကို သဘောတူပြီးသွားပြီ။ အခု နားလည်မှု စာချွန်လွှာထိုးဖို့ ညှိနှိုင်းနေပါပြီ” ဟု ပြောသည်။
တံတားအားလုံးကို ကွန်ကရစ်တံတားများသာ ပြုလုပ်သွားမည်ဖြစ်ပြီး ရှိထားပြီးဖြစ်သော သံပေါင်၊ ပျဉ်ပြားခင်း (ဘေလီ) သံပေါင်၊ ပျဉ်ပြားခင်း (ဘေလီ) တံတားတို့ကိုပါ ကွန်ကရစ်တံတားအဖြစ် အစားထိုး ပြောင်းလဲသွားမည်ဟု ဆောက်လုပ်ရေးဝန်ကြီးဌာန စာရင်းများအရ သိရသည်။
 |
| Asia Express လမ်းမကြီးပေါ်ရှိ ကံမကြီးရွာအနီးက ကျိုးပျက်နေသည့် တံတားကို တွေ့ရစဉ်။ ။ ဓါတ်ပုံ-ဇိုမီး |
ကလေး-ကျီးကုန်း-တမူး လမ်းပိုင်းတွင် ဆောက်လုပ်ရန် တံတား ၇၄ စင်းရှိရာ ဆောက်လုပ်ရေးဝန်ကြီးဌာနမှ လက်ရှိတွင် တံတားလေးစင်းကို တာဝန်ယူ တည်ဆောက်နေပြီး ကျန်တံတား ၇၀ ကို အိန္ဒိယမှ ၂၀၁၆ ခုနှစ်အပြီး တည်ဆောက်မည် ဖြစ်သည်။
“အိန္ဒိယက ဆောက်ပြီးတနဲ့ မြန်မာအစိုးရကို အပြီးအပ်ဖို့ ရှိတယ်” ဟု ဆောက်လုပ်ရေး ဝန်ကြီးဌာန အဆင့်မြင့်အရာရှိက ဆက်ပြောသည်။ အိန္ဒိယ-မြန်မာ ပူးပေါင်းဆောင်ရွက်မှု အစီအစဉ်ဖြင့် ဆောင်ရွက်သော ကလေး-ကျီးကုန်း-တမူး လမ်းပိုင်းမှာ အိန္ဒိယ-မြန်မာ-ထိုင်း သုံးနိုင်ငံပေါင်း အဝေးပြေးလမ်းမကြီးပေါ်ရှိ အစိတ်အပိုင်းတစ်ခုဖြစ်ကြောင်း သိရှိရသည်။ Ref:Popular News
0 comments:
Post a Comment