၎င်းအခမ်းအနားကို ယခင်က ဇိုမီးအမျိုးသား ကွန်ဂရက်ပါတီ (ZNC) ဥက္ကဋ္ဌ၊ ယခုတွင် ပြန်လည်ရွေးကောက်တင်မြောက်ခြင်းခံရသော ဇိုမီးဒီမိုကရေစီအဖွဲ့ချုပ် (ZCD) ဥက္ကဋ္ဌ ပူကျင့်ရှင်းထန်၏ နေအိမ်၌ ကျင်းပခဲ့သည် ဟုသိရသည်။
အခမ်းအနားတွင် ပါတီ၏ ဗဟိုအလုပ်အမှုဆောင် ကော်မတီဝင်များအတွက် ၁၂ ဦးအား ရွေးကောက်တင်မြှောက်ခဲ့ကြပြီး အဆိုပါ ရွေးချယ်ခံရသော ကော်မတီဝင်များမှ မိတ်ဆက်စကားများ ပြန်လည်ပြောကြားခဲ့ကြကြောင့် သိရသည်။
ပါတီဥက္ကဋ္ဌ အဖြစ် ပူကျင့်ရှင်းထန်၊ အထွေထွေ အတွင်းရေးမှူး အဖြစ် ပူဂင့်ကမ်းလျန်၊ Associated General Secretary (1) - Pu Zam Za Mung၊ Associated General Secretary (2) - Pu Pau Lun Min Thang၊ Treasurer - Pu Cin Suan Mang၊ Accountant - Pu Ngul Khan Dal၊ Auditor - Pu Song Do Langh၊ အဖွဲ့ဝင်များအဖြစ် Pu Khup Khan Mung (Publisher) Pu Hau Mun Khai Pu Kam Lam Khup Pu Anthony Kap Khan Khual Pu Pau Kim Tuang (Information) တို့ကို ရွေးကောက်တင်မြှောက်ခဲ့ကြသည်။
ထိုအပြင် ပါတီ ဥက္ကဋ္ဌ ပူကျင့်ရှင်းထန်မှ သူ၏ အမေရိက ခရီးအတွေ့အကြုံများ၊ ဆက်လက်လုပ်ဆောင်ရမည့် နိုင်ငံရေးကိစ္စအသီးသီးများကိုလည်း ရှင်းလင်းပြောကြားခဲ့ကြောင့် သိရသည်။
ပြည်နယ်၊ တိုင်းဒေသ၊ မြို့နယ် အသီးသီးအတွက် ပါတီ အလုပ်အမှုဆောင် ကော်မတီဝင်များကိုလည်း ဆက်လက် ရွေးကောက်တင်မြောက် ခန့်အပ်သွားမည်ဖြစ်ကြောင့်လည်း သိရပါသည်။
မြန်မာနိုင်ငံရှိ ချင်း(ဇိုမီး) တိုင်းရင်းသားလူဦးရေပေါင်း ၃ သိန်းကျော်ရှိပြီး ချင်းပြည်နယ် တွန်းဇံ၊ တီးတိန်၊ မတူပီ၊ ကျီခါး၊ ဖလမ်း၊ ကလေး စတဲ့မြို့နယ်များတွင် အများဆုံး နေထိုင်ကြသည်ဟု သိရသည်။
ဇိုမီးဒီမိုကရေစီအဖွဲ့ချုပ် (Zomi Congress for Democracy) သည် ဇိုမီးအမျိုးသား ကွန်ဂရက်ပါတီ (ZNC) မှ ဇူလိုင် ၅ ရက်နေ့ နေ့စွဲဖြင့် ပြည်ထောင်စု ရွေးကောက်ပွဲ ကော်မရှင်က ပါတီ ပြန်လည်တည်ထောင်ခွင့် ပြုခဲ့ခြင်းဖြစ်သည်။
0 comments:
Post a Comment