နိုဝင်ဘာလ (၄) ရက်နေ့က စစ်ဆင်ရေးကွပ်ကဲမှုစစ်ဌာနချုပ်၊ ကထမ မှူး ဒုတိယ ဗိုလ်ချုပ်ကြီး လှမင်း နှင့် အနောက်ပိုင်းတိုင်း စစ်ဌာနချုပ် တိုင်းမှူး ဗိုလ်မှူးချုပ် ကိုကိုနိုင်တို့ ချင်းပြည် နယ်တောင်ပိုင်း ပလက်ဝမြို့နယ်သို့ နယ်လှည့် ကွင်းဆင်းကြောင်း သိရသည်။
“ တာဝန်ရှိနှစ်ဦးဟာ မွန်းလွဲ နှစ်နာရီမှာ မြို့နယ်အတွင်း ထရွန်အိုင်ကျေးရွာဒေသခံ လူကြီး ၃၀ ဦးနဲ့ တွေ့ဆုံခဲ့ကြတယ်၊ ကျေးရွာအတွက် ကျပ်ငွေ ၃ သိန်းလှူဒါန်းခဲ့ကြတယ်” ဟု ဒေသခံ တဦးက သတင်းပေးပို့သည်။
တာဝန်ရှိနှစ်ဦးသည် စစ်လေယာဉ်နဲ့ ရောက်ရှိလာကြပြီး နယ်မြေလုံခြုံရေးနှင့် ဒေသဖွံ့ ဖြိုးရေး ကိစ္စကို အဓိက ဆွေးနွေး ခဲ့ကြတာဖြစ်ကြောင်း ဆက်ဆိုသည်။
“အခုတောင်မှ ၀က်ကုန်သည်တွေ ခရီးမသွားမလာရဲဖြစ်နေကြပြီ၊ ဒီဒေသက နယ်မြေလုံခြုံရေး အဓိက ကျပါတယ်၊” ဟု စက်လှေပိုင်ရှင်တဦးက ပြောသည်။
ကျောက်တော်- ပလက်ဝ၊ ထရွန်အိုင်မှတဆင့် ကုလားတန်မြစ်ကြောင်းအတိုင်း စက်လှေများဖြင့် ကုန်စည်ကူးသန်းရာ အချက်အချာကျသည့် ဒေသလည်းဖြစ်သည်။
ကထစ မှူး နှင့် တိုင်းမှူးတို့သည် မွန်းလွဲ သုံးနာရီခွဲခန့်တွင် စစ်တွေသို့ စစ်လှေယာဉ်ဖြင့်ပြန်လည် ထွက်ခွါ သွားကြောင်း သိရသည်။ Ref:KNG
0 comments:
Post a Comment