မြန်မာနိုင်ငံ၏ ၂၀၁၁-၁၂ ခုနှစ်ပညာသင်နှစ်တွင် တက္ကသိုလ်ဝင်တန်းဖြေဆိုသူ ကျောင်းသား ဦးရေစုစုပေါင်း ၄ သိန်း ၆ သောင်းခန့်ရှိသည့်အနက် ကျောင်းသား ၁ သိန်း ၆ သောင်းကျော် အောင်မြင်ခဲ့သည်။
မွန်ပြည်နယ်သည် တနိုင်ငံလုံး၏ အောင်ချက်အကောင်းဆုံးပြည်နယ်ဖြစ်ပြီး ရာခိုင်နှုန်းအားဖြင့် ၅၂ ရာခိုင်နှုန်းကျော်ရှိသည်။ ချင်းပြည်နယ်၏ အောင်ချက်မှာ ၁၄.၉၁ ရာခိုင်နှုန်းသာ ရှိသောကြောင့် အောင်ချက်အနည်းဆုံးပြည်နယ်ဖြစ်သည်ဟု ပြည်တွင်းအပတ်စဉ်ထုတ် 7day ဂျာနယ်တွင်ဖော်ပြ ထားသည်။
၂၀၁၁-၁၂ ခုနှစ် တက္ကသိုလ်ဝင်တန်းစာမေးပွဲဖြေဆိုသူ ချင်းပြည်နယ်မှ ကျောင်းသူကျောင်းသား စုစုပေါင်း ၇၃၃၂ ဦးရှိသည့်အနက် ၁၀၉၃ ဦးကသာ တက္ကသိုလ်ဝင်တန်းစာမေးပွဲ ကို အောင်မြင် ခဲ့ကြပြီး ၄ ဘာသာဂုဏ်ထူးရရှိသူ ၁ ဦး၊ ၃ ဘာသာ ၁ ဦး၊ ၂ ဘာသာ ၉ ဦး နှင့် ၁ ဘာသာဂုဏ်ထူး ရရှိသူ ၁၁၇ ယောက်ရှိသည်ဟု ချင်းဝေါလ်အွန်းလိုင်းစာမျက်နှာတွင် ဖော်ပြထား သည်။
သို့သော်လည်း ယခုချင်းပြည်နယ်၏ အောင်ချက်သည် ယခင် ၂၀၁၀-၁၁ ခုနှစ်တက္ကသိုလ် ၀င်ခွင့် အောင်ချက်ထက် ၁ ရာခိုင်နှုန်းကျော်ခန့် တိုးလာသည်ဟုသိရသည်။ ယခင်နှစ် က အောင်ချက်မှာ ၁၃.၆၇ ရာခိုင်နှုန်းရှိခဲ့သည်။
ယခုကဲ့သို့ မြန်မာတနိုင်ငံလုံးတွင် ချင်းပြည်နယ်သည် အောင်ချက်အနည်း ဆုံးပြည်နယ်ဖြစ်ရခြင်း မှာ ကျောင်းသူ၊ ကျောင်း သားများက ကျောင်းစာအပေါ် စိတ်ဝင်စားမှုမရှိကြသည့် အပြင် ကျောင်းဆရာ၊ ဆရာမ များတွင်လည်း တာဝန် မကင်း ကြောင်း ပခုက္ကူတက္ကသိုလ်တွင် ပညာသင်ကြားနေသော ချင်းကျောင်းသားတဦးကပြောသည်။
“ ချင်းပြည်နယ်က ချင်းကျောင်းသားတွေ ဆယ်တန်းမအောင်လည်း နိုင်ငံခြားထွက်မယ်ဆိုတဲ့.. အတွေးအခေါ်က ရှိနေတယ်လေ..လွှမ်းမိုးသွားတယ်လေ၊ ပြီးတော့ ကျောင်းဆရာ၊ ဆရာမ တွေက လည်း စေတနာပါပါနဲ့ မသင်ပေးကြဘူး လေ’’ ဟု အဆိုပါတက္ကသိုလ်ကျောင်းသားကပြောသည်။
တဖက်တွင်လည်း နေ့စဉ်စားဝတ်နေရေးကျပ်တည်းမှုများကြောင့် ကျောင်းသားမိဘများကလည်း သားသမီးများ၏ ပညာရေးကို ဦးစားမပေးနိုင်ကြတော့ကြောင်း၊ မိသားစု စားဝတ်နေရေးဖြေရှင်းရန် မိမိသားသမီးများကို ကျောင်းထွက်ခိုင်း ကာ ရရာလုပ်ငန်းများရှာဖွေလုပ်ကိုင်ခိုင်းလေ့ရှိသည်ဟု ချင်းလူငယ်တဦးကပြောသည်။
Ref: KNG
0 comments:
Post a Comment